Мадриднинг «Реал» клуби ҳужумчиси Винисиус Жуниорга Неймарнинг Бразилия терма жамоаси қайдномасига киритилмагани борасида савол берилди.
«Сантос» ҳужумчиси бош мураббий Карло Анчелотти яқинда эълон қилган «пентакампеонлар»нинг март ойидаги ўртоқлик ўйинлари учун қайдномасидан жой олмади.
«Мураббий Неймардан нимани хоҳлаётганини жуда аниқ тушуниб турибди. Мен Анчелоттининг ишига аралаша олмайман, лекин ҳаммамиз Неймар нималарга қодирлигини жуда яхши биламиз. Агар у ёрдам беришга тайёр бўлса, терма жамоага чақирилишини биламиз», — дея Винисиуснинг сўзларини келтиради Madrid Zone.
Бразилия терма жамоаси 26 ва 31 март кунлари мос равишда Франция ҳамда Хорватия терма жамоалари билан куч синашади.
