«Бавария» ҳимоячиси Альфонсо Дэвис Англия Премьер-лигасига кўчиб ўтиши мумкин.
Экрем Конур берган маълумотларга кўра, ёзги трансфер ойнаси арафасида «Манчестер Юнайтед» кандалик футболчини ўз сафига қўшиб олишга жиддий қизиқиш билдирмоқда. «Қизил иблислар» ҳимоячининг трансфери учун тахминан 92 миллион евро тўлашга тайёр.
Альфонсо Дэвис 2019 йилда «Ванкувер»дан «Бавария»га 14 миллион евро эвазига ўтган эди. Унинг амалдаги шартномаси 2030 йилнинг 30 июнига қадар мўлжалланган. Жорий мавсумда ҳимоячи Мюнхен клуби сафида барча турнирларда 13 та ўйин ўтказиб, 2 та голли узатмани амалга оширди.
Дэвиснинг кам ўйин ўтказгани унинг тез-тез жароҳат олиши билан боғлиқ. Ҳозирда 25 ёшли футболчи сон мушаклари чўзилишидан кейин тикланиш жараёнини ўтамоқда.
