«Ливерпуль» бош мураббийи Арне Слот ҳужумчи Александр Исакнинг соғлиғи борасида тўхталиб ўтди. Швециялик футболчи майдонда индивидуал машғулотларни бошлади. Исак уч ой олдин — декабрь ойи охирида жароҳат олган эди.
«Исак эртанги ўйинда майдонга тушишга тайёр эмас, лекин унинг майдонда машғулот ўтказаётгани сафга қайтишга тобора яқинлашаётганидан далолат беради. Ҳозирча аниқ муддатлар йўқ — Алекс шанба кунги ўйинда ҳам иштирок этмайди. Токи жамоа билан бирга машғулот ўтказмас экансан, ўйнашга тайёр бўлмайсан. Индивидуал ишлардан сўнг жамоавий машғулотларга, ундан кейин эса ўйинларга ўтиш керак», — деди Слот матбуот анжуманида.
Эслатиб ўтамиз, «Ливерпуль» чоршанба куни Чемпионлар лигаси доирасида ўз уйида «Галатасарой»га қарши баҳс олиб боради.
