«Манчестер Сити» ярим ҳимоячиси Бернарду Силва Чемпионлар лигаси 1/8 финали доирасида Мадриднинг «Реал» клубига қарши кечган жавоб учрашувининг биринчи бўлимида майдондан четлатилди.
Учрашув бош ҳаками Клеман Тюрпен «шаҳарликлар» сардорига тўпни қўл билан ўйнагани учун қизил карточка кўрсатди. Меҳмонлар нафақат майдонда кўпчилик бўлиб қолишди, балки пенальти тепиш ҳуқуқини ҳам қўлга киритишди — уни Винисиус Жуниор голга айлантирди. Силва учун ушбу четлатиш Чемпионлар лигасидаги фаолиятида биринчиси, шунингдек, «Манчестер Сити» сафидаги умумий илк қизил карточка бўлди. Португалиялик футболчи инглиз гранди либосида жами 448 та учрашув ўтказган эди.
Бернарду Силва 2017 йилда «Монако»дан ўтганидан бери «шаҳарликлар» сафида тўп суриб келмоқда. Унинг амалдаги шартномаси шу ёзда ўз ниҳоясига етади.
