"Барселона" президенти Жоан Лапорта клубнинг собиқ юлдузи Лионель Месси билан бўлган муносабатлари ҳақида тўхталиб ўтди.
Маълумки, аргентиналик футболчининг 2021 йилда жамоани тарк этганидан сўнг "кўк-анорранглилар" раҳбари билан ўртасида келишмовчиликлар юзага келган эди.
"Мен Месси билан муносабатларни яхшилашдан хурсанд бўлардим. Бу боши берк кўча эмас. Охирги марта кўришганимизда ҳаммаси яхши эди", — дея Каталония гранди президентлигига яқинда қайта сайланган Лапортанинг сўзларини келтиради Managing Barca нашри.
Лионель Месси 2023 йилдан бери "Интер Майами" шарафини ҳимоя қилиб келмоқда. Июнь ойида саккиз карра "Олтин тўп" соҳиби 39 ёшга тўлади, унинг "қўтонлар" ("Интер Майами" лақаби) билан шартномаси 2028 йилнинг охиригача амал қилади.
