Хосеп Гвардиоланинг «Манчестер Сити» билан амалдаги шартномаси 2027 йилнинг ўрталарига қадар мўлжалланган. Шу билан бирга, испаниялик мутахассис ўн мавсум ишлаб бўлгач, шу ёздаёқ клубни тарк этиши мумкинлиги ҳақида миш-мишлар юрибди.
Олдинда «Манчестер Сити»ни «Арсенал»га қарши Лига Кубоги финали кутмоқда. «Уэмбли» стадионидаги соврин учун баҳс 22 март куни бўлиб ўтади. Daily Mail нашри хабарига кўра, ушбу ўйиндан сўнг, март ойидаги халқаро танаффус вақтида Гвардиола барчасини ўйлаб кўради ва келажаги борасида бир қарорга келади. Шундан сўнг, Хосеп ўз қарорини клуб спорт директори — Угу Виануга маълум қилиши керак.
Қайд этилишича, «Манчестер Сити» аллақачон 1 январь куни «Челси»дан бўшатилган Энцо Мареска билан норасмий алоқага чиққан. Мареска аввалроқ Гвардиола штабида фаолият юритган эди.
