Чоршанба оқшомида «Барселона» Чемпионлар лигаси доирасида ўз майдонида «Ньюкасл»ни қабул қилади. Бу 1/8 финалнинг жавоб учрашуви бўлиб, дастлабки ўйин 1:1 ҳисобидаги дуранг билан якунланган эди.
Ўйин куни «Барселона» вингери Ламин Ямаль ижтимоий тармоқларда пост қолдириб, «кўк-анорранглилар» мухлисларини руҳлантирди.
«Монжуик» шунчаки бошланиши эди. «Камп Ноу» — бу тарих ёзиладиган жой», — дейилади Ямал берган баёнотда.
18 ёшли Ламин Ямал жорий мавсумда 38 та ўйин ўтказиб, ўз ҳисобига 20 та гол ва 15 та голли узатмани ёздириб қўйди. Transfermarkt портали футболчини 200 миллион еврога баҳоламоқда.
