Chorshanba oqshomida «Barselona» Chempionlar ligasi doirasida o‘z maydonida «Nyukasl»ni qabul qiladi. Bu 1/8 finalning javob uchrashuvi bo‘lib, dastlabki o‘yin 1:1 hisobidagi durang bilan yakunlangan edi.

O‘yin kuni «Barselona» vingeri Lamin Yamal ijtimoiy tarmoqlarda post qoldirib, «ko‘k-anorranglilar» muxlislarini ruhlantirdi.

«Monjuik» shunchaki boshlanishi edi. «Kamp Nou» — bu tarix yoziladigan joy», — deyiladi Yamal bergan bayonotda.

18 yoshli Lamin Yamal joriy mavsumda 38 ta o‘yin o‘tkazib, o‘z hisobiga 20 ta gol va 15 ta golli uzatmani yozdirib qo‘ydi. Transfermarkt portali futbolchini 200 million yevroga baholamoqda.