Катарина Макариу «Челси»дан «Сан-Диего Уэйв» клубига ўтиб, аёллар футболи тарихидаги энг йирик шартномани имзолади.
АҚШ терма жамоаси ҳужумчисининг клуб билан келишуви 2030 йил якунига қадар мўлжалланган. ESPN нашрининг хабар беришича, Макариу тахминан 8 миллион доллар ишлаб топади, бу эса унинг шартномасини аёллар футболи тарихидаги энг йиригига айлантиради.
Қайд этилишича, футболчининг трансфер суммаси 300 минг долларни ташкил этган.
Ҳозирги вақтда дунёнинг энг кўп маош олувчи футболчиси собиқ баскетболчи Деннис Родманнинг қизи — Тринити Родман ҳисобланади. У «Вашингтон» билан шартномасини узайтиргандан сўнг, бонусларни ҳисобга олмаганда йилига 2 миллион доллар маош олади.
