«Арсенал»нинг ҳужумкор ярим ҳимоячиси Эберечи Эзе аввалроқ «канонирлар» сафида фақат Тео Уолкоттга насиб этган ноёб натижани такрорлади.

Эберечи бир мавсум давомида «Арсенал» иштирок этаётган барча тўртта турнирда гол уришга муваффақ бўлди ва Уолкоттдан кейин бундай натижага эришган иккинчи инглиз футболчисига айланди. Уолкотт ушбу кўрсаткични 2012/13 йилги мавсумда қайд этган эди.

Эслатиб ўтамиз, сешанба оқшомида Эзе Чемпионлар лигаси 1/8 финалидан ўрин олган «Байер»га қарши жавоб ўйинида шедевр гол муаллифига айланди. Инглиз футболчиси 20-23 метрлар чамаси масофадан ҳаводаги тўпни тўхтатмасдан дарвозага йўллаб, Янис Бласвихни ожиз қолдирди. Тўп дарвозанинг чап юқори бурчагига («тўққизлик»ка) аниқ бориб тушди. Икки ўйин натижасига кўра «Арсенал» «Байер»ни ишончли тарзда мағлуб этди — 3:1.