«ПСЖ» бош мураббийи Луис Энрике Англия Премьер-лигасининг гранд клуби — «Манчестер Юнайтед»нинг эътиборига тушди. The Touchline нашрининг журналист Натан Солтга таяниб хабар беришича, Энрике манкунианликларнинг номзодлар рўйхатида анча юқори ўринда турибди.
Шу билан бирга, Энрикенинг шу ёзда «ПСЖ»ни тарк этишга тайёрлиги борасида шубҳалар борлиги қайд этилган. Парижликларнинг Чемпионлар лигасидаги эҳтимолий ғалабаси вазиятни ўзгартириши мумкин.
Эслатиб ўтамиз, январь ойида «Манчестер Юнайтед» бош мураббийи лавозимини вақтинчалик асосда Майкл Каррик эгаллаган эди. Ёзда клуб жамоани кейинги мавсумга ким тайёрлаши борасида бир қарорга келади.
Ҳозирги вақтда «Манчестер Юнайтед» АПЛ турнир жадвалида учинчи ўринни эгаллаб турибди.
