«PSJ» bosh murabbiyi Luis Enrike Angliya Premyer-ligasining grand klubi — «Manchester Yunayted»ning e’tiboriga tushdi. The Touchline nashrining jurnalist Natan Soltga tayanib xabar berishicha, Enrike mankunianliklarning nomzodlar ro‘yxatida ancha yuqori o‘rinda turibdi.
Shu bilan birga, Enrikening shu yozda «PSJ»ni tark etishga tayyorligi borasida shubhalar borligi qayd etilgan. Parijliklarning Chempionlar ligasidagi ehtimoliy g‘alabasi vaziyatni o‘zgartirishi mumkin.
Eslatib o‘tamiz, yanvar oyida «Manchester Yunayted» bosh murabbiyi lavozimini vaqtinchalik asosda Maykl Karrik egallagan edi. Yozda klub jamoani keyingi mavsumga kim tayyorlashi borasida bir qarorga keladi.
Hozirgi vaqtda «Manchester Yunayted» APL turnir jadvalida uchinchi o‘rinni egallab turibdi.













