«Ливерпуль» ярим ҳимоячиси Доминик Собослаи Чемпионлар лигаси 1/8 финалининг «Галатасарой»га қарши кечган жавоб учрашувида (4:0) энг яхши ўйинчи деб топилди. Ушбу баҳсда у битта гол муаллифига айланди.
«Собослаи ҳисобни очди, кейинги голда фаол ташкилотчилик кўрсатди ва майдон марказида асосий фигура бўлди. Айниқса, у жамоадошлари билан боғламлар ҳосил қилишда, пас узатишда, контрпрессинг, тўпни олиб қўйиш ва қайтган тўпларга эга чиқишда яққол ажралиб турди», — дея таъкидлади УЕФА техник кузатувчилари гуруҳи.
Дастлабки ўйинда «Галатасарой» 1:0 ҳисобида ғалаба қозонган эди. Шу тариқа, икки учрашув натижасига кўра «Ливерпуль» Чемпионлар лигасининг чорак финалига йўл олди ва у ерда «ПСЖ» билан куч синашади.
