«Интер Майами» ҳужумчиси Лионель Месси КОНКАКАФ Чемпионлар кубоги 1/8 финалидан ўрин олган «Нэшвилл»га қарши жавоб учрашувида гол урди. У баҳснинг 7-дақиқасидаёқ ҳисобни очди.
38 ёшли аргентиналик учун ушбу гол профессионал фаолиятидаги 900-си бўлди: клуб миқёсида 785 та ва терма жамоа миқёсида 115 та гол. Ушбу натижага эришиш учун унга 1142 та ўйин керак бўлди.
У Америка клуби сафида 93 та ўйинда 81 та гол урган бўлса, «ПСЖ»да — 75 та ўйинда 32 та, «Барселона»да эса — 778 та ўйинда 672 та гол киритган. Аргентина терма жамоаси сафида эса 196 та учрашувда майдонга тушган.
Месси МЛС клубига 2023 йилнинг ёзида келиб қўшилган эди. Октябрь ойида у «Интер Майами» билан шартномасини 2028 йилгача узайтирди.
