“Барселона” ҳужумчиси Роберт Левандовски Чемпионлар Лигаси 1/8 финалида “Ньюкасл” дарвозасига дубль қайд этиб (7:2), мусобақа тарихидаги мутлақ рекордни ўрнатди.

37 ёшли футболчи учрашувнинг 56 ва 61-дақиқаларида гол уришга муваффақ бўлди. MisterChip нашри хабарига кўра, ушбу голлардан сўнг Левандовски Чемпионлар Лигасида турли хил жамоа дарвозасини 41 марта ишғол қилган тарихдаги илк футболчига айланди.

Шу тариқа, у бу кўрсаткич бўйича Лионель Мессини (40 та жамоа) ортда қолдириб, пешқадамликни қўлга олди. Рўйхатнинг учинчи поғонасида Криштиану Роналду (38 та жамоа) бормоқда.

ЕЧЛда энг кўп турли жамоаларга гол урган футболчилар:

- Роберт Левандовски — 41 та
- Лионель Месси — 40 та
- Криштиану Роналду — 38 та

Эслатиб ўтамиз, Левандовски ЕЧЛдаги голларини “Боруссия Дортмунд”, “Бавария” ва “Барселона” клублари сафида киритган.