«Бавария» ҳужумчиси Харри Кейн Чемпионлар лигаси 1/4 финали доирасида «Реал»га қарши кечадиган баҳсдан кутилмалари билан ўртоқлашди.
Мюнхен клуби 1/8 финалда «Аталанта»ни икки ўйин натижасига кўра 10:2 ҳисобида тор-мор этган эди.
«Кейинги рақиб жуда кучли. Чемпионлар лигасида «Реал»га қарши ўйнаганингизда, ҳар доим қийин тўқнашувни кутиш керак. Курашга тайёр бўлишимиз лозим.
Биз тайёрмиз. Биз ҳеч кимдан қўрқмаймиз. Олдинда бизни мураккаб баҳс кутаётганини биламиз. «Аталанта» билан ўйинда ва умуман ушбу мавсум давомида тўплаган ишончимиздан фойдаланиб, худди шу руҳда давом этишимиз керак», — деди Харри Кейн.
