«Bavariya» hujumchisi Xarri Keyn Chempionlar ligasi 1/4 finali doirasida «Real»ga qarshi kechadigan bahsdan kutilmalari bilan o‘rtoqlashdi.

Myunxen klubi 1/8 finalda «Atalanta»ni ikki o‘yin natijasiga ko‘ra 10:2 hisobida tor-mor etgan edi.

«Keyingi raqib juda kuchli. Chempionlar ligasida «Real»ga qarshi o‘ynaganingizda, har doim qiyin to‘qnashuvni kutish kerak. Kurashga tayyor bo‘lishimiz lozim.

Biz tayyormiz. Biz hech kimdan qo‘rqmaymiz. Oldinda bizni murakkab bahs kutayotganini bilamiz. «Atalanta» bilan o‘yinda va umuman ushbu mavsum davomida to‘plagan ishonchimizdan foydalanib, xuddi shu ruhda davom etishimiz kerak», — dedi Xarri Keyn.