"Монако" клуби "Севилья" яримҳимоячиси Жоффре Кондогбиани 20 миллион евро эвазига ҳарид қилиш имкониятларини кўриб чиқмоқда. Бу ҳақда L'Equipe нашри мухбири хабар тарқатган.
Эслатиб ўтамиз, Франция терма жамоаси дебютантининг шартномасини муддатидан аввал бекор қилиш суммаси айнан 20 миллионни ташкил этади.
Манбанинг маълум қилишича, аввалроқ "Монако" ушбу футболчи учун 15 миллион евро ҳам таклиф қилган, аммо "Севилья" буни рад этганди.