«Барселона» дарвозабони Жоан Гарсия Чемпионлар лигаси доирасидаги «Ньюкасл»га қарши баҳснинг иккинчи бўлимида ўзида ноқулайлик ҳис қилди. Натижада Гарсия захирага олинди ва унинг ўрнига шошилинч равишда Войцех Шесни майдонга тушди.
Эртаси куни эрталаб Гарсия тиббий кўрикдан ўтди. Текширувлар натижасида Жоанда ҳеч қандай жароҳат йўқлиги маълум бўлди. Асосий дарвозабон жамоанинг навбатдаги ўйинида иштирок эта олади. Бу ҳақда «Барселона» клуби расмий сайтида хабар берилди.
2025/2026 йилги мавсумнинг 35 та ўйинида Жоан Гарсия ўз дарвозасидан 35 та тўп олиб чиққан.
Таъкидлаш жоизки, «Барселона» навбатдаги учрашувини якшанба куни, 22 март санасида Испания чемпионати доирасида ўз майдонида «Райо Вальекано»га қарши ўтказади.
