Италиялик афсонавий ҳужумчи Лука Тони «Бавария» форварди Харри Кейннинг маҳоратига юқори баҳо берди.

Мюнхенликлар Чемпионлар лигаси 1/8 финали жавоб учрашувида «Аталанта»ни тор-мор этишди (4:1). Ушбу баҳсда англиялик ҳужумчи дубль қайд этди ва турнирдаги голлари сонини 50 тага етказиб олди.

«Мен унга футболчи сифатида ошиқ эканлигимни айтмоқчиман. Чунки у ҳозирги «сохта тўққизликлар» даврида дунёда қолган кам сонли ҳақиқий «тўққизлик» (марказий ҳужумчи)лардан биридир. Ва у — дунёнинг энг яхши ҳужумчиси», — деди «Бавария» ва Италия терма жамоаси собиқ ҳужумчиси Prime Video Italiaга берган интервьюсида.

«Мен буни қадрлайман. Сиздек юқори даражали «тўққизлик»дан бундай сўзларни эшитиш мен учун шараф. Раҳмат», — дея жавоб қайтарди Кейн.