Italiyalik afsonaviy hujumchi Luka Toni «Bavariya» forvardi Xarri Keynning mahoratiga yuqori baho berdi.
Myunxenliklar Chempionlar ligasi 1/8 finali javob uchrashuvida «Atalanta»ni tor-mor etishdi (4:1). Ushbu bahsda angliyalik hujumchi dubl qayd etdi va turnirdagi gollari sonini 50 taga yetkazib oldi.
«Men unga futbolchi sifatida oshiq ekanligimni aytmoqchiman. Chunki u hozirgi «soxta to‘qqizliklar» davrida dunyoda qolgan kam sonli haqiqiy «to‘qqizlik» (markaziy hujumchi)lardan biridir. Va u — dunyoning eng yaxshi hujumchisi», — dedi «Bavariya» va Italiya terma jamoasi sobiq hujumchisi Prime Video Italiaga bergan intervyusida.
«Men buni qadrlayman. Sizdek yuqori darajali «to‘qqizlik»dan bunday so‘zlarni eshitish men uchun sharaf. Rahmat», — deya javob qaytardi Keyn.
