Россия ОАВда тарқалган хабарларга кўра, "Анжи" яримҳимоячиси Виллиан "Тоттенхэм" сафига ўтишга яқин турибди.
Бу ҳақда "Радио Спорт" бош муҳаррири ўринбосари Нобель Арустамян шундай дейди: "Тоттенхэм" махачқальаликлар билан Виллиан трансфери борасида асосий келишувга эришди. Ҳариднинг амалга ошиши эҳтимоли жуда юқори. Навбат тиббий кўрик ва ўйинчи билан шахсий шартнома шартларига келди".
Аввалроқ Виллиан учун курашда лондонликлар "Ливерпуль"ни ортда қолдираётганликлари ҳақида маълумотлар чиққан, унда "Тоттенхэм" бразилиялик учун 30 миллион евро ва унинг келажакдаги трансферидан тушадиган даромаднинг 50 фоизини таклиф этгани хабар қилинганди.