Сўнгги иккита Чемпионлар лигаси мавсумида Испания жамоалари плей-офф босқичидаги инглиз клублари билан баҳсларнинг аксариятида ғалаба қозонишди.
Жорий мавсумнинг 1/8 финалида «Реал» икки бор «Манчестер Сити» устидан зафар қучди, «Атлетико» «Тоттенхэм»ни мусобақадан чиқариб юборди, «Барселона» эса «Ньюкасл» тўсиғидан ўтди.
Ўтган мавсумда «Реал» «Ман Сити»ни мағлуб этган бўлса-да, «Арсенал»га имкониятни бой бериб, турнирни тарк этган эди. 2024 йилда ҳам «қаймоқранглилар» «шаҳарликлар»дан устун келишганди.
Умуман олганда, Испания ва Англия клублари Чемпионлар лигаси ҳамда Европа чемпионлар кубоги плей-оффларида жами 67 марта тўқнаш келишган. Ҳисоб Ла Лига фойдасига 41:26 кўринишида.
