Аввалроқ хабар берганимиздек, «Галатасарой» ҳужумчиси Ноа Ланг Чемпионлар лигаси доирасида «Ливерпуль»га қарши кечган баҳсда «Энфилд» стадионида оғир жароҳат олди — унинг бармоғининг бир қисми узилиб кетди.
Туркия ОАВларининг хабар беришича, йирик ҳисобдаги мағлубият ва Чемпионлар лигасидан чиқиб кетишдан ғазабланган «Галатасарой» раҳбарияти эндиликда судга мурожаат қилиш масаласини кўриб чиқмоқда. Бундай ҳолатда «Ливерпуль» клуби реклама тахталарининг нотўғри ва хавфли жойлаштирилгани учун жавобгар деб топилиши мумкин — бу эса туркларга камида молиявий жиҳатдан кўрилган зарарни қоплаш имконини беради.
Эслатиб ўтамиз, Ноа Ланг Истанбул клубига Италиянинг «Наполи» жамоасидан кўчиб ўтган эди.
