Avvalroq xabar berganimizdek, «Galatasaroy» hujumchisi Noa Lang Chempionlar ligasi doirasida «Liverpul»ga qarshi kechgan bahsda «Enfild» stadionida og‘ir jarohat oldi — uning barmog‘ining bir qismi uzilib ketdi.
Turkiya OAVlarining xabar berishicha, yirik hisobdagi mag‘lubiyat va Chempionlar ligasidan chiqib ketishdan g‘azablangan «Galatasaroy» rahbariyati endilikda sudga murojaat qilish masalasini ko‘rib chiqmoqda. Bunday holatda «Liverpul» klubi reklama taxtalarining noto‘g‘ri va xavfli joylashtirilgani uchun javobgar deb topilishi mumkin — bu esa turklarga kamida moliyaviy jihatdan ko‘rilgan zararni qoplash imkonini beradi.
Eslatib o‘tamiz, Noa Lang Istanbul klubiga Italiyaning «Napoli» jamoasidan ko‘chib o‘tgan edi.
