«Ливерпуль» ҳужумчиси Муҳаммад Салоҳ жароҳат туфайли сафдан чиқди. Мисрлик футболчи Чемпионлар лигаси 1/8 финали доирасида Истанбулнинг «Галатасарой» клубига қарши кечган жавоб ўйинида (4:0) шикастланган.
Мерсисайд клубининг расмий сайтида хабар берилишича, юлдузли форварднинг тикланиш муддати тахминан икки ҳафтани ташкил этади.
Эслатиб ўтамиз, «Галатасарой» билан бўлган яқиндаги баҳсда Салоҳ 74-дақиқада алмаштирилган эди. Ушбу учрашувда ҳужумчи битта гол урди ва битта ассистни амалга оширди.
Жорий мавсумда Муҳаммад «қизиллар» сафида 34 та ўйинда майдонга тушди. Футболчи ўз ҳисобига ўнта гол ва тўққизта голли узатмани ёздириб қўйган.
