«АЗ Алкмаар» марказий ярим ҳимоячиси Кес Смит фаолиятини Мадриднинг «Реал» клубида давом эттириши мумкин. Бу ҳақда журналист Экрем Конур хабар бермоқда.
Манба берган маълумотларга кўра, 20 ёшли футболчини «Ливерпуль», «Манчестер Юнайтед» ва «Арсенал» клублари фаол кузатиб бормоқда. Бироқ, истеъдодли футболчи учун курашда «Реал» етакчилик қилаётгани айтилмоқда.
Жорий мавсумда Смит барча мусобақаларда 39 та ўйинда майдонга тушиб, тўртта гол урди ва саккизта голли узатмани ўз ҳисобига ёздириб қўйди.
Transfermarkt интернет-портали мутахассислари ярим ҳимоячининг қийматини 25 миллион еврога баҳоламоқда.
