Англиянинг «Манчестер Юнайтед» клуби маҳаллий ҳакамлик ташкилоти (PGMOL) ва унинг раҳбари Ховард Уэбб устидан расмий шикоят топшириш ниятида. Бунга чемпионатнинг 31-тури доирасидаги «Борнмут»га қарши кечган ва 2:2 ҳисобидаги дуранг билан якунланган ўйиндаги баҳсли ҳакамлик қарорлари сабаб бўлган.
Клуб раҳбарияти учрашувнинг иккинчи бўлимида Амад Диалло жарима майдончаси ичида йиқитилганига қарамай, «Борнмут» дарвозасига пенальти белгиланмаганидан ғазабда. VAR тизими ушбу вазиятга аралашмади ва кўп ўтмай «Борнмут» ҳисобни тенглаштиришга муваффақ бўлди.
Шунга ўхшаш вазиятда Харри Магуайрнинг майдондан четлатилиши ва рақиб фойдасига пенальти белгиланиши вазиятни янада кескинлаштирди. Аввалроқ жамоа мураббийи Майкл Каррик ҳакамнинг қарорларини «тушунарсиз» ва «ақлдан озган» деб атаган эди.
Шунингдек, «МЮ» ўйинга нега 9 дақиқа вақт қўшиб берилгани юзасидан ҳам жавоб олмоқчи.
