Туриннинг «Ювентус» клуби Италия А Сериясининг навбатдаги турида «Сассуоло» жамоасини мағлуб эта олмади, учрашув 1:1 ҳисобидаги дуранг билан якунланди. Ўйиндан сўнг Турин клуби вакиллари натижадан ҳафсалалари пир бўлганини яшириб ўтиришмади — хусусан, ҳужумчи Франсишку Консейсау шундай фикр билдирди.
«Биз ғалабага лойиқ эдик, иккинчи голни уришимиз керак эди. Буни амалга ошириш ва ўйин тақдирини ҳал қилиш учун кўплаб имкониятларга эга бўлдик. Рақиб ҳисобни тенглаштиргач эса, ҳамма нарса жуда қийинлашиб кетди», — дея Консейсаунинг сўзларидан иқтибос келтирмоқда Juvenews.eu нашри.
Бу натижадан сўнг «Ювентус» Италия А Серияси турнир жадвалида бешинчи ўринда қолмоқда.
