Туриннинг «Ювентус» клуби бразилиялик ҳимоячиси Глейсон Бремер жамоа устози Лучано Спаллетти билан бўлган муносабатлари ҳақида фикр билдирди.

«У талабчан, аммо шу билан бирга жамоага нисбатан ҳурмат билан муносабатда бўлади. У ўсиш ва ривожланишдан жуда хурсанд бўлади. Биз ҳозир унчалик осон бўлмаган даврлардан сўнг тўғри йўлдамиз», – дея Бремернинг сўзларидан иқтибос келтиради Juvenews.eu нашри.

Эслатиб ўтамиз, Туриннинг «Ювентус» жамоаси шанба куни «Сассуоло» билан дуранг ўйнади ва А Серия турнир жадвалида бешинчи ўринни эгаллаб турибди.