«Ювентус» марказий ҳужумчиси Аркадиуш Милик 665 кунлик танаффусдан сўнг илк бор майдонда кўриниш берди. Футболчи Италия чемпионатининг 30-туридан ўрин олган «Сассуоло»га қарши баҳснинг (1:1) якуний қисмида 11 дақиқа ҳаракат қилди.
«Сассуоло» билан ўйингача Миликнинг клуб миқёсидаги сўнгги иштироки 2024 йил 24 май куни «Монца»га қарши баҳсда қайд этилган эди. Жорий мавсум давомида 34 ёшли футболчи уч бор захира ўриндиғида пайдо бўлганди.
Милик 2022 йилда «Марсель»дан (биринчи мавсумни ижара асосида ўтказган) «Ювентус» таркибига келиб қўшилган эди. Унинг амалдаги шартномаси 2027 йилнинг ёзида ниҳоясига етади, Transfermarkt портали талқинига кўра футболчининг қиймати 1,5 миллион еврони ташкил этади.
