Goal.com портали таҳлилчилари 2026 йилда «Олтин тўп» совринини қўлга киритишга асосий даъвогарлар рейтингини тақдим этишди. Мюнхеннинг «Бавария» клуби ва Англия миллий терма жамоаси марказий ҳужумчиси Харри Кейн фаворит деб ҳисобланмоқда.
Инглиз футболчисининг асосий рақобатчилари сифатида Мадриднинг «Реал» клуби ҳужумчиси Килиан Мбаппе ва Каталониянинг «Барселона» клуби вингери Ламин Ямал кўрсатилган. Улар мос равишда иккинчи ва учинчи ўринларни эгаллашди.
2026 йилги ушбу нуфузли мукофотга даъвогарларнинг кучли ўнлигидан, шунингдек, қуйидаги футболчилар жой олди: Майкл Олисе («Бавария»), Луис Диас («Бавария»), Эрлинг Холанд («Манчестер Сити»), Рафинья («Барселона»), Винисиус («Реал»), Деклан Райс («Арсенал») ва Витинья («ПСЖ»).
