Goal.com portali tahlilchilari 2026 yilda «Oltin to‘p» sovrinini qo‘lga kiritishga asosiy da’vogarlar reytingini taqdim etishdi. Myunxenning «Bavariya» klubi va Angliya milliy terma jamoasi markaziy hujumchisi Xarri Keyn favorit deb hisoblanmoqda.
Ingliz futbolchisining asosiy raqobatchilari sifatida Madridning «Real» klubi hujumchisi Kilian Mbappe va Kataloniyaning «Barselona» klubi vingeri Lamin Yamal ko‘rsatilgan. Ular mos ravishda ikkinchi va uchinchi o‘rinlarni egallashdi.
2026 yilgi ushbu nufuzli mukofotga da’vogarlarning kuchli o‘nligidan, shuningdek, quyidagi futbolchilar joy oldi: Maykl Olise («Bavariya»), Luis Dias («Bavariya»), Erling Xoland («Manchester Siti»), Rafinya («Barselona»), Vinisius («Real»), Deklan Rays («Arsenal») va Vitinya («PSJ»).
