«Лидс» устози Даниэль Фарке АПЛ доирасида «Брентфорд» билан қайд этилган 0:0 ҳисобидаги дурангдан сўнг, муайян муаммоларга қарамай, ўз жамоасига бўлган ишончини сақлаб қолмоқда. Жамоа чемпионатда бир ойдан бери рақиб дарвозасини ишғол эта олмаяпти ва кетма-кет 4 та ўйинни голсиз якунлади.
«Менда ҳеч қандай хавотир йўқ. «Брентфорд» ҳақиқатан ҳам яхши ҳимояланди. Биз ҳужумчиларимиз яккама-якка вазиятда рақибни алдаб ўтиб, гол ура оладиган даражадаги индивидуал маҳоратга эга эмаслигимизни яхши тушунамиз. Аммо агар биз шу руҳда давом этсак, етарлича голлар урамиз», — дея Фаркенинг сўзларини келтирмоқда Leeds Live нашри.
Ҳозирда «Лидс» 33 очко билан 15-ўринда бормоқда. Хавфли ҳудуд (қуйи лигага тушиб кетиш зонаси) улардан 4 очко пастда жойлашган.
