«Lids» ustozi Daniel Farke APL doirasida «Brentford» bilan qayd etilgan 0:0 hisobidagi durangdan so‘ng, muayyan muammolarga qaramay, o‘z jamoasiga bo‘lgan ishonchini saqlab qolmoqda. Jamoa chempionatda bir oydan beri raqib darvozasini ishg‘ol eta olmayapti va ketma-ket 4 ta o‘yinni golsiz yakunladi.
«Menda hech qanday xavotir yo‘q. «Brentford» haqiqatan ham yaxshi himoyalandi. Biz hujumchilarimiz yakkama-yakka vaziyatda raqibni aldab o‘tib, gol ura oladigan darajadagi individual mahoratga ega emasligimizni yaxshi tushunamiz. Ammo agar biz shu ruhda davom etsak, yetarlicha gollar uramiz», — deya Farkening so‘zlarini keltirmoqda Leeds Live nashri.
Hozirda «Lids» 33 ochko bilan 15-o‘rinda bormoqda. Xavfli hudud (quyi ligaga tushib ketish zonasi) ulardan 4 ochko pastda joylashgan.
