«Барселона» бош мураббийи Ханс-Дитер Флик кейинги мавсум учун таркибни шакллантириш борасидаги саволга жавоб берди.
— Қайси футболчиларни жамоада олиб қолмоқчи эканлигингиз бўйича бир қарорга келдингизми? — деб сўрашди Фликдан матбуот анжуманида.
— Ҳозир бизга мавсум якунига қадар барча футболчилар керак. Кейин нима бўлишини билмаймиз, чунки олдинда жаҳон чемпионати бор. Мен ўз футболчиларимга — Рэшфордга, Канселуга ишонаман... Уларнинг барчаси жамоа сифатини оширмоқда. Мавсум тугагач, гаплашиб оламиз ва вазиятга қараймиз. Кимни олиб қолмоқчи эканлигим ҳақида гапирадиган вақт эмас — менга барчанинг юқори даражада бўлиши керак, — деди Флик.
Якшанба куни, 22 мартда, «Барселона» Ла Лига доирасида ўз майдонида «Райо Вальекано»га қарши ўйин ўтказади.
