«Barselona» bosh murabbiyi Xans-Diter Flik keyingi mavsum uchun tarkibni shakllantirish borasidagi savolga javob berdi.
— Qaysi futbolchilarni jamoada olib qolmoqchi ekanligingiz bo‘yicha bir qarorga keldingizmi? — deb so‘rashdi Flikdan matbuot anjumanida.
— Hozir bizga mavsum yakuniga qadar barcha futbolchilar kerak. Keyin nima bo‘lishini bilmaymiz, chunki oldinda jahon chempionati bor. Men o‘z futbolchilarimga — Reshfordga, Kanseluga ishonaman... Ularning barchasi jamoa sifatini oshirmoqda. Mavsum tugagach, gaplashib olamiz va vaziyatga qaraymiz. Kimni olib qolmoqchi ekanligim haqida gapiradigan vaqt emas — menga barchaning yuqori darajada bo‘lishi kerak, — dedi Flik.
Yakshanba kuni, 22 martda, «Barselona» La Liga doirasida o‘z maydonida «Rayo Valyekano»ga qarshi o‘yin o‘tkazadi.
