«Ливерпуль» клуби «Интер» ҳимоячиси Алессандро Бастонини ўз сафига қўшиб олишга бўлган ишончини йўқотмоқда. Бу ҳақда TEAMtalk нашри хабар бермоқда.
«Қизиллар» италиялик футболчини шу ёзда 35 ёшни қаршилайдиган Вирджил ван Дейкка потенциал ўринбосар сифатида кўраётган эди. Бироқ айни дамда «Интер» Бастони билан шартномани узайтириш устида ишламоқда. Миланликлар футболчига «мега-молиявий» таклиф тайёрламоқда. Шунингдек, ҳимоячининг хизматларига «Барселона» ва «Челси» клублари ҳам қизиқиш билдирмоқда.
Жорий мавсумда Алессандро Бастони «Интер» сафида 35 та учрашувда майдонга тушди. Уларда ҳимоячи иккита гол урди ва олтита голли узатмани амалга оширди.
