Ўзбекистон миллий терма жамоаси март ойида навбатдаги ўқув-машғулот йиғини доирасида FIFA Series мусобақасида иштирок этишини биласиз.

Жаҳон чемпионатига тайёргарлик кўраётган жамоамизнинг тиббий штабига бир қатор тажрибали мутахассисларни жалб этиш режалаштирилган.

Хусусан, узоқ йиллар давомида Италия миллий терма жамоаси шифокори сифатида фаолият юритган, спорт тиббиёти ва ортопедия соҳасида катта тажрибага эга мутахассис Энрико Кастеллаччи миллий жамоа тиббий штабида иш бошлайди. Кастеллаччи Италия футбол шифокорлари ассоциацияси президенти ҳамда Италия ортопед-травматологлари миллий ассоциацияси вице-президенти сифатида ҳам фаолият олиб борган.

Шунингдек, терма жамоа тиббий штабига италиялик физиотерапевт — Симоне Сиджильо ҳам жалб этилди. Ушбу мутахассис фаолияти давомида «Палермо», «Салернитана» ва «Беневенто» клубларида ишлаган.