Лондоннинг "Арсенал" клуби Испания терма жамоаси ва Мадриднинг "Реал" клуби дарвозабони Икер Касильясни ҳарид қилишга тайёр. Бу ҳақда Sport Mediaset хабар берган.
Хабарингиз бор, жароҳатидан қайтган, устига-устак собиқ бош мураббий Жозе Моуриньо билан жанжаллашиб қолган дарвозабон қишдан буён майдонда эмас. Ла-лиганинг 1-тур учрашувида ҳам унинг ўрнида Диего Лопес ўйнади.
Бугун хориж ОАВда Касильяснинг жамоадаги ўрнидан қониқмаётгани ҳақида хабарлар тарқалганди. Шунга кўра, у бошқа жамоага ўтиш ҳақида таклифларни кўриб чиқиши ҳам мумкинлиги айтилмоқда.
"Тўпчилар" бош мураббийи Арсен Венгер эса Войцех Шеснининг "Астон Вилла"га қарши учрашувдаги (1:3) ҳаракатларидан қониқмаган ва жамоа дарвозаси муаммосидан қутулиш учун уни Касильясга топшириш ҳақида бош қотирмоқда.