«Реал» бош мураббийи Альваро Арбелоа Испания чемпионати 29-турида «Атлетико»га қарши ўйинда (3:2) ярим ҳимоячи Федерико Вальверденинг четлатилиши ҳақида фикр билдирди. Футболчи 77-дақиқада қизил карточка олган эди.

«Бу ҳолатни тушуниш қийин. Ҳакамга ён чизиққа келиб, вазиятни тушунтириб бергани учун миннатдорлик билдираман. Баъзан ўйинни жонли кузатганда у қандай бўлса, шундай кўринади. Уни яна бир бор кўриб чиқсам, бошқача баҳолашим мумкин. Шунга қарамай, ўша 15 дақиқа жамоанинг характери, ўзаро қўллаб-қувватлаши ва бирдамлигининг яна бир ёрқин намоёни бўлди. Яхшиямки, бу ҳолат жиддий оқибатларга олиб келмади», — дея Арбелоа сўзларини келтиради AS.

Айни пайтда «Реал» Испания чемпионати турнир жадвалида 69 очко билан иккинчи ўринда бормоқда. «Атлетико» эса 57 очко билан тўртинчи поғонада жойлашган.