Лондоннинг «Арсенал» клуби ярим ҳимоячиси Деклан Райс «канонирлар»нинг Англия лига кубоги финалида «Манчестер Сити»дан учраган мағлубиятига изоҳ берди. Ўйин 2:0 ҳисобида «шаҳарликлар» фойдасига ҳал бўлди. Шунга қарамай, Райс ушбу мағлубият жамоани ғалабаларга янада чанқоқ қилишини таъкидлади.
«Финалдаги мағлубият бизни тўхтатиб қолмайди. Бу фақат ривожланишда давом этишимиз ва мавсумни янада кучлироқ якунлашимиз учун иштиёқимизни оширади, холос», — дея Деклан Райснинг сўзларидан иқтибос келтирмоқда журналист Фабрицио Романо ўз ижтимоий тармоқларида.
Қайд этиш жоизки, ушбу мағлубиятдан сўнг «канонирлар» жорий мавсум якунида «квадрупл» қайд этиш (тўртта совринни қўлга киритиш) имкониятидан маҳрум бўлишди.
