Италия терма жамоаси бош мураббийи Женнаро Гаттузо Шимолий Ирландияга қарши ўйин олдидан футболчилар хотиржамликни сақлашга ҳаракат қилишлари керак деб ҳисоблайди. Италия жамоаси 26 март куни ЖЧ-2026 саралашининг ўтиш босқичи доирасида Шимолий Ирландия термасига қарши майдонга тушади.
«Биз хотиржамликни сақлашимиз керак. Мисол тариқасида «Сан-Сиро»да Норвегияга қарши ўтказилган ўйинни келтиришим мумкин. Биринчи бўлимни яхши ўтказдик, аммо илк қийин вазиятлар юзага келиши билан бўшашдик. Бундай ҳолатлардан қочишимиз зарур ва мен охирги ойларда шу устида ишлаяпман. Ўйинларда турли кўнгилсизликлар бўлиши мумкин, биз олдинга интилишни ва ўтмишни унутишни билишимиз керак.
Вазминлик зарур. Пайшанба кунигача футболчиларни доимий хабарлар ва кунига 10 та видеоконференция билан чарчатиб юборишни тасаввур қилолмайман. Биз майдонда нима қилишимиз кераклигини аниқ билган ҳолда ўйинга етиб боришимиз лозим.
Бизнинг ихтиёримизда совринлар, чемпионлик унвонларини қўлга киритган, Чемпионлар лигаси финалигача етиб борган ва Европа чемпионатида ғолиб чиққан футболчилар бор», — деди Гаттузо матбуот анжуманида.
