«Барселона» «Ювентус» қанот ҳимоячиси Андреа Камбьязога қизиқиш билдирмоқда. Бу ҳақда Sportitalia хабар бермоқда.

Манба берган маълумотларга кўра, «кўк-анорранглилар» раҳбарияти италиялик футболчини ҳимоянинг ҳар иккала қанотида ҳам ўйнай оладиган универсал ҳимоячи сифатида кўрмоқда.

Қайд этилишича, Турин клуби Камбьязони 50 миллион евродан камига қўйиб юбормоқчи эмас. «Ювентус» бош мураббийи Лучано Спаллетти ўз шогирдининг ўйинидан жуда мамнун.

Жорий мавсумда 26 ёшли ҳимоячи барча мусобақаларда 39 та ўйинда иштирок этиб, 3 та гол ва 4 та голли узатмани амалга оширди. Унинг «Ювентус» билан амалдаги шартномаси 2029 йилнинг ёзига қадар мўлжалланган.