«Барселона» ярим ҳимоячиси Марк Касадо қанот ҳимоячиси Жоау Канселунинг «Ал-Ҳилол»дан Каталония клубига тўлиқ ўтиш жараёнида асосий фигурага айланиши мумкин. Саудия жамоаси 22 ёшли футболчига бўлган қизиқишини ҳамон сақлаб қолмоқда. Бу ҳақда Mundo Deportivo нашри хабар бермоқда.

Манбанинг маълумотларига кўра, «кўк-анорранглилар» қишда «Ал-Ҳилол»дан ижарага олинган Канселу агар ҳозирги ўйин даражасини намойиш этишда давом этса, уни доимий асосда сотиб олишга тайёр. Португалиялик футболчининг ўзи ҳам «блауграна» сафида қолишни истамоқда. «Барселона» Касадони 20 млн еврога баҳоламоқда, «Ал-Ҳилол» эса Канселуни 15 млн еврога сотиши мумкин.

Жорий мавсумда Касадо барча турнирларда 29 та ўйинда иштирок этиб, битта голли узатмани амалга оширди. Канселу эса «кўк-анорранглилар» сафида 12 та учрашувда майдонга тушиб, ўз ҳисобига битта гол ва тўртта ассист ёздириб қўйишга улгурди.