«Реал Мадрид» бош мураббийи Альваро Арбелоа ғалабали ўйинларнинг эртасига кийиниш хонасига нонушта билан келади ва уни барча футболчиларга тарқатади. Бу ҳақда журналист Эду Агирре маълум қилди.
«Альваро ўйинчиларга: «Йигитлар, нонушта вақти», дейди. У айланиб юриб, ҳаммага круассанлар, пончиклар тарқатади...» — деди Агирре.
Собиқ футболчи ва шарҳловчи Хави Бальбоанинг таъкидлашича, Арбелоа бундай усулни «Кастилья»даги фаолияти давомида ҳам қўллаган — бу муҳим ўйинлардаги ғалаба ёки яхши натижалар серияси учун ўйинчиларни рағбатлантиришнинг бир йўли ҳисобланади.
Мадридликлар Хаби Алонсо истеъфога чиққанидан сўнг, Арбелоа қўл остида 17 та ўйиндан 13 тасида ғалаба қозонишди.
