Бильбаонинг «Атлетик» клуби раҳбарияти фаол равишда янги бош мураббий изламоқда. Аввалроқ хабар берилганидек, Испания клубининг амалдаги устози Эрнесто Вальверде жорий мавсум якунланганидан кейин жамоани тарк этмоқчи.
Sky Sport нашрининг маълумотларига кўра, «Атлетик» бошқаруви учун асосий номзод 43 ёшли германиялик мутахассис Эдин Терзич бўлиб турибди. У билан аллақачон музокаралар олиб борилмоқда.
Терзичнинг сўнгги иш жойи Дортмунднинг «Боруссия» клуби бўлган ва у жамоани 2024 йилнинг ёзида тарк этган эди. Ўшандан бери германиялик мураббий ишсиз юрибди.
27 та ўйиндан сўнг «Атлетик» 38 очко билан Ла Лига турнир жадвалида тўққизинчи ўринни эгаллаб турибди.
