«Галатасарой» бош мураббийи Окан Бурук иш жойини ўзгартириши мумкин. Tuttomercatoweb нашрининг хабар беришича, «Лацио» ва «Тоттенхэм» ушбу мутахассисга қизиқиш билдирмоқда.

Туркиялик мураббийнинг истанбулликлар билан шартномаси шу ёзда ниҳоясига етади, шу сабабли у бошқа клубга бепул ўтиши мумкин бўлади.

Манбанинг қайд этишича, Бурук итальян тилини яхши билади, чунки у ўз вақтида «Интер» сафида уч йил фаолият юритган. «Лацио» раҳбарияти ушбу мутахассисни Маурицио Сарри ўрнини эгаллашга қодир деб ҳисобламоқда.