Шимолий Ирландия терма жамоаси бош мураббийи Майкл О'Нил Жаҳон чемпионати йўлланмаси учун Италияга қарши бўлиб ўтадиган ўтиш ўйини олдидан ўз кутишлари билан ўртоқлашди.

Учрашув бугун Бергамода бўлиб ўтади. Ғолиб жамоа мундиал йўлланмаси учун плей-офф финалида иштирок этади.

«Бизда ғалаба қозониш учун имконият борлигини биламиз. Футболчиларимиз кучли рақибларга қарши баҳсларда юқори даражани кўрсата олишларини аллақачон исботлашган. Бўлажак ўйин жиддий синов бўлади, лекин биз тайёрмиз. Италия — ажойиб терма жамоа, бироқ биз қўрқмаслигимиз керак.

Биз учун диққатни жамлаш ва ўйин сурати ҳаддан ташқари очиқ тус олмаслиги учун ҳамма нарсани қилиш муҳим. Менимча, Италия биздан айнан шуни кутмоқда. Ҳисобни қанчалик узоқ вақт 0:0 кўринишида ушлаб тура олсак, фаворит босимни шунчалик кўп ҳис қила бошлайди», – деди О'Нил матбуот анжуманида.

Учрашув Тошкент вақти билан соат 00:45 да (27 мартга ўтар кечаси) бошланади.