Ҳимоячи Федерико Гатти шу ёзда «Ювентус»ни тарк этиши мумкин.
Corriere dello Sport нашрининг маълумотларига кўра, Турин клуби аллақачон 27 ёшли футболчининг ўрнига номзодларни кўриб чиқмоқда. Ҳимоячини ўз сафига қўшиб олишга Англия Премьер-лигаси жамоалари қизиқиш билдирмоқда. «Ювентус» Гаттини тахминан 20 миллион евро эвазига қўйиб юборишга тайёр.
Федерико Гатти 2022 йилда «Фрозиноне»дан «Ювентус» сафига 9 миллион евро эвазига ўтган эди. Унинг шартномаси 2030 йилнинг 30 июнига қадар мўлжалланган. Жорий мавсумда ҳимоячи Турин клуби таркибида барча турнирларда 23 та ўйинда майдонга тушиб, 4 та гол уришга муваффақ бўлди. Transfermarkt портали Гаттининг бозор қийматини 16 миллион еврога баҳоламоқда.
